Dolların sonu çatır: Qlobal bazar yeni valyuta axtarır

ABŞ dollarının qlobal valyuta ehtiyatlarında payı 20 ilin ən aşağı səviyyəsinə, 40%-ə düşüb.

Publika.az xəbər verir ki, bu barədə "Prime" məlumat yayıb.

Məlumata görə, ekspertlər 2020-ci ildən 2026-cı ilə qədər altı il ərzində qlobal ehtiyatlardan təxminən 3,2 trilyon dollar "azaldığını" təxmin edirlər. Onlar bu dəyişiklikləri "dedollarlaşmanın çökməsi" adlandırırlar, çünki proses tədricən deyil, sürətli gedir.

Hazırda dollar əsas ehtiyat valyutası olaraq qalır, lakin qlobal bazar alternativ axtarır.

Maliyyə üzrə ekspert Sofiya Qlavina hesab edir ki, gələcəkdə regional valyuta zonaları formalaşacaq.

"Tək dominant aktor əvəzinə, dünya çoxqütblü ödəniş sisteminə keçir, burada əsas oyunçular təkcə yuan və qızıl deyil, həm də rəqəmsal valyutalar və regional sanksiyaların qarşısını alan mexanizmlərdir", - deyə ekspert qeyd edib.

Ekspertlər yeni qlobal ehtiyat valyutasının 2040-cı ildən tez olmayaraq yaradılacağını proqnozlaşdırırlar.

O da qeyd olunur ki, qısamüddətli perspektivdə rublun məzənnəsində kəskin dalğalanmalar istisna olunmur.

Adəm