Dünya

İŞİD-li uşaq cəlladın vətəndaşı olduğu ölkə açıqlandı

12 Mart 2015 16:57

İsrail agenti olmaqda ittiham edilərək İŞİD terror təşkilatı tərəfindən öldürülən fələstinli Məhəmməd Sait İsmayıl Musellemin başına atəş açan uşaq cəlladın vətəndaşı olduğu ölkənin adı açıqlanıb.

Publika.az Rusiya mediasına istinadən xəbər verir ki, İŞİD-in uşaq cəlladı Fransa vətəndaşıdır.

Fransanın təhlükəsizlik qurumları ilə əlaqəsi olan bir səlahiyyətli bildirib ki, onun 2012-ci ildə Fransanın Tuluza şəhərindəki məktəbə edilən hücumda da iştirak etdiyi təxmin edilir.

Fransa hökumətinin açıqladığı məlumata görə, 2015-ci ilin yanvar ayından ölkənin 1400 vətəndaşı İŞİD sıralarında döyüşmək üçün Suriyaya və İraqa yola çıxıb. Fransa Belçika ilə birlikdə İraq və Suriyaya ən çox döyüşçü “yola salan” Avropa ölkəsidir.

Ömər Dağlı