Dünya

Ərəb əmiri arvadına Türkiyənin ən bahalı evini aldı - FOTO

28 Mart 2015 11:59

Türkiyənin ən bahalı, dünyanın 4-cü bahalı evi İstanbulda 100 milyon avroya satılıb.

Şəhərin Yeniköy səmtində olan Erbilginlər yalısını qətərli biznesmen Abdulhadi Mana əl Həcri alıb. Yalı qayıq körpüsü olan sahil malikanələrinə deyilir.

Yalının gizli sahibi isə Sheikha Anoud binti Mana əl Həcri, yəni Qətər əmiri Şeyx Təmim bin Həməd əl Saninin ikinci həyat yoldaşıdır.

25 mart tarixli alqı-satqı müqaviləsinə görə, kupçada yalının sahibi kimi “Dardanelles” daşınmaz əmlak şirkəti görünür. Mərkəzi Londonda olan bu şirkət 2014-cü ildə İstanbulda qətərli biznesmen Abdulhadi Mana əl Həcri tərəfindən yaradılıb.

Biznesmen əl Həcrinin qızı Anoud isə Qətər əmirinin ikinci həyat yoldaşıdır. Qətər əmiri Şeyx Təmim bin Həməd əl Sani ilə Anoud 3 mart 2009-cu ildə evləniblər. (ans)