Dünya
Sibirdə 115 min hektar meşə yanır
Sibirdə son bir gün ərzində meşə yanğınlarının sahəsi təxminən 11 min hektar artıb.
Publika.az Rusiya mediasına istinadən xəbər verir ki, bu barədə Sibir federal dairəsi üzrə meşə təsərrüfatı departamentinin mətbuat xidməti bildirib.
Sibirin beş regionunda 118,5 min hektar ərazidə 95 yanğın sahəsi var. Dünən isə yanğın 107,3 min hektar əraziyə yayılmışdı. İdarənin məlumatına görə, yanğınların əksəriyyəti Zabaykalye diyarındadır. Burada 114,8 min hektar meşə yanır. Bundan başqa, təbii fəlakətdən Buryatiya (2,9 min hektar) və Tuva (0,65 min hektar) respublikaları əziyyət çəkir. İrkutsk vilayətində (70 hektar), Krasnoyarsk diyarında 20 hektar meşə ərazisinə yanğın yayılıb.
Sibir federal dairəsi üzrə meşə təsərrüfatı departamentindən verilən məlumata görə, son gün ərzində 13,6 meşə sahəsində 65 meşə yanğını söndürülüb. Zabaykalye və Krasnoyarsk diyarlarında, Altay, Xakasiya, Buryatiya və Tuva respublikalarında, İrkutsk vilayətində yanğınların qarşısı alınıb.
Rusiya Fövqəladə Hallar Nazirliyinin Zabaykalye diyarı üzrə rəhbəri Aleksandr Sidorov “İnterfaks” informasiya agentliyinə açıqlamasında yanğının nəzarət altında olduğunu deyib.
Dünən verilən məlumata görə, yanğınlar nəticəsində ölənlərin sayı 30 nəfəri ötüb. Daha iki nəfərin taleyi haqqında məlumat yoxdur. Təxminən 5 min insan evsiz qalıb. Təbii fəlakət nəticəsində dəyən zərər 7 milyard rublla (təxminən 140 milyon dollar) qiymətləndirilir. Rusiyanın baş naziri Dmitri Medvedev bildirib ki, hökumət həlak olanların ailələri və zərər çəkənlər üçün 700 milyon rubl (14 milyon dollar) ayıracaq.
Qeyd edək ki, genişmiqyaslı meşə yanğınları aprelin 12-də başlayıb.
Ömər Dağlı
-
Hadisə00:45
Bakıda DƏHŞƏT: toydan sonra iki nəfər faciəvi şəkildə ÖLDÜ - VİDEO
-
Qoroskop00:15
Günün ULDUZ FALI: romantik qarşılaşma ola bilər
-
Magazin15 May 23:48
Xalq artisti: “Mənə səhnənin canavarı deyirlər”
-
Sosial5 May 23:12
Yol polisindən gələn zəng onları dəhşətə gətirdi: "Maşın vurub öldürdü" - VİDEO
-
Sosial5 May 22:25
Xaçmazda 17 yaşlı qız 37 yaşlı kişi ilə nişanlanıb? - DİN-dən AÇIQLAMA
-
Magazin15 May 22:00
Ədalət Şükürovun qızının toyundan GÖRÜNTÜLƏR - VİDEO
-
Sosial5 May 21:48
Nübarlıq gilas satışa çıxdı: qiyməti "əl yandırır" - FOTO
-
Magazin25 May 21:24
Cennifer Lopez ictimaiyyət qarşısına elə libasda çıxdı ki... - FOTO/VİDEO