Elm və təhsil
Rektordan tələbələrə çağırış
Bakı Dövlət Universitetinin rektoru, akademik Abel Məhərrəmov I kurs tələbələri ilə görüş keçirib.
BDU-nun Mətbuat və informasiya şöbəsindən Publika.az-a verilən məlumata görə, ilkin olaraq Hüquq və Filologiya fakültələrinin tələbələri ilə baş tutаn görüşdə prorektorlar, adıçəkilən fakültənin dekanları, kafedra müdirləri və professor-müəllim heyəti iştirak edib.
Rektor Abel Məhərrəmov universitetin tarixi keçmişi, müasir inkişaf mərhələləri, beynəlxalq əlaqələri barədə məlumat verib. Bu il ali təhsil müəssisələrinə keçirilən qəbul imtahanlarında respublika ali məktəbləri arasında ən çox tələbə qəbulunun Bakı Dövlət Universitetinin payına düşdüyünü, BDU-nun bakalavriat səviyyəsinə universitetin Qazax filialı da daxil olmaqla 5100, magistratura səviyyəsinə 700 nəfərin qəbul edildiyini bildirib. Vurğulayıb ki, qəbul imtahanı verən tələbələrdən 500-700 arası bal toplayan 1500 nəfər BDU-nu seçib, bu da respublikada 500-700 bal toplayan abituriyentlərin 21%-ni təşkil edir. Bu göstəricinin ötən tədris ili ilə müqayisədə 204 nəfər çox olmasına diqqət çəkən rektor 3-cü ixtisas qrupu üzrə 700 bal toplayan 2 nəfərin seçiminin də BDU olduğunu və Prezident İlham Əliyevin imzaladığı sərəncamla Prezident təqaüdünə layiq görülənlərdən 16 nəfərin universitet tələbələri olduğunu söyləyib.
Akademik Abel Məhərrəmov təbiət, fundamental, humanitar və sosial elmlər sahəsi üzrə çoxprofilli ali təhsil ocağı olan BDU-nun 17 fakültəsində bakalavriat səviyyəsində 65, magistratura səviyyəsində isə 43 ixtisas və 210 ixtisaslaşma üzrə kadr hazırlığı həyata keçirildiyini, təhsil alan tələbələrin sayının 22 mindən çox olduğunu, onların təlim-tərbiyəsi ilə 3000-dən çox əməkdaşın, o cümlədən 1500 nəfər professor-müəllim heyətinin məşğul olduğunu diqqətə çatdırıb.
Rektor yüksək bal toplayan tələbələrin elmi-tədqiqat işlərinə cəlb edilməsi, elmi, yaradıcılıq və tədqiqatçılıq vərdişlərinin aşılanması, onların müasir elmi metodologiyalar və elmi ədəbiyyatla işləmək qaydaları ilə tanış edilməsi, elmi- tədqiqatlarda real iştirakının təmin edilməsi məqsədilə elmi rəhbər kimi bir professor, dosent və ya elmi işçinin təhkim edilməsi ilə bağlı müəyyən göstərişlər verib. Görüş tələbələrin çoxsaylı sualları ilə başa çatıb.
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?