Əmlak

Bakıda plana düşən binaların söküntüsü nə vaxt bitəcək? - VİDEO

28 Dekabr 2025 05:15

2040-cı ilə qədər paytaxt ərazisində qəzalı və istismar müddəti başa çatmış binaların hamısının sökülməsi nəzərdə tutulur.

Publika.az “Xəzər” TV-yə istinadən xəbər verir ki, bu barədə əmlak məsələləri üzrə ekspert Elnur Fərzəliyev məlumat verib.

Onun sözlərinə görə, paytaxtın 12 rayonunda bu cür yaşayış binaları mövcuddur. Həmin tikililər həm sakinlərin təhlükəsizliyi, həm də şəhərin ümumi görünüşü baxımından ciddi narahatlıq yaradır.

Bəs qəzalı binaların sökülməsi prosesi niyə ləngiyir?

Ekspert bildirib ki, qəzalı binaların sökülməsi mürəkkəb prosesdir və bir neçə mərhələdən ibarətdir. Belə binaların sökülməsi üçün ilk növbədə müvafiq dövlət qurumlarının rəsmi rəyi tələb olunur.

Elnur Fərzəliyevin fikrincə, söküntü planına düşən binaların əksəriyyətində çoxsaylı mülkiyyətçilərin olması prosesi xeyli uzadır.

Mövzu ilə bağlı daha ətraflı videomaterialı təqdim edirik: