Dünya bazarında neft KƏSKİN BAHALAŞDI

ABŞ-ın İran ərazisinə zərbələr endirməsi ilə bağlı xəbərlər fonunda dünya neft qiymətləri kəskin artıb.

Bu barədə Publika.az birja məlumatlarına istinadla xəbər verir. edir.

İyulun 13-də Bakı vaxtı ilə saat 02:21-ə olan məlumata görə, "Brent" markalı neftin sentyabr fyuçerslərinin dəyəri əvvəlki ticarət sessiyasının bağlanışındakı 76,01 dollara qarşı bir barel üçün 78 dollara yüksəlib. Eyni zamanda, Amerika "WTI" neftinin kotirovkaları da artıb. Avqust fyuçersləri 71,41 dollardan 73,79 dollara qədər bahalaşıb.

Bir neçə saat əvvəl dövlət teleradio şirkəti IRIB Hörmüz boğazındakı İranın Qeşm adasında bir neçə partlayışın baş verdiyini bildirib. Hadisənin təfərrüatları açıqlanmayıb.

İyunun 17-də ABŞ və İran hərbi əməliyyatların dayandırılmasını və yeni danışıqlar raundunun başlanmasını nəzərdə tutan müvəqqəti qarşılıqlı anlaşma memorandumu imzalamışdı. "Axios" nəşri xəbər vermişdi ki, sənəd distant şəkildə rəsmiləşdirilib və elektron imzadan sonra qüvvəyə minib.

İyulun 8-də zərbələrin bərpasından sonra Ağ Ev Vaşinqton və Tehran arasındakı atəşkəsin artıq qüvvədə olmadığını elan edib.

Hüseyn İbadlı