Neft qiymətləri aşağı düşdü - Aö EVdən açıqlama gözlənilir

Dünya bazarlarında neftin qiyməti ticarət sessiyasının açılışından sonra təxminən 1 faiz ucuzlaşıb. Bazar iştirakçıları Vaşinqtonun İrana qarşı sanksiyalarla bağlı yeni açıqlamalarını gözləyirlər.

Publika.az xəbər verir ki, bu barədə ticarət məlumatlarında qeyd edilib.

Bakı vaxtı ilə saat 03:51-ə olan məlumata görə, "Brent" markalı neft üzrə noyabr fyuçerslərinin qiyməti 1,05 faiz azalaraq bir barel üçün 91,70 dollara düşüb. WTI markalı neft üzrə oktyabr fyuçersləri isə 1,09 faiz ucuzlaşaraq bir barel üçün 86,11 dollar təşkil edib.

Bundan əvvəl ABŞ Prezidenti Donald Tramp İrana qarşı “iqtisadi D-Day” adlandırdığı yeni iqtisadi təzyiq kampaniyasının başladığını açıqlayıb. ABŞ Prezidenti bildirib ki, Vaşinqton Tehranı maksimum təcrid etməyə çalışacaq və onun ticarət və maliyyə əlaqələrini qoruyub saxlamasına kömək edən xarici strukturları cəzalandırmaq niyyətindədir. Mümkün tədbirlər İrana dair əməliyyatlarda iştirak edən banklara, şirkətlərə, neft vasitəçilərinə və digər qurumlara, o cümlədən Rusiya strukturlarına şamil oluna bilər.

Hüseyn İbadlı