QƏZA: Bakıda prospektin əsas yolu bağlandı (YENİLƏNDİ) - - FOTO

Avtomobilin sahibi Məlikov Akif Eyvaz oğlu "Report"a açıqlamasında bildirib ki, maşını İsmayıl adlı sürücü ona verilən etibarnamə əsasında idarə edib.

"O, içkili olmayıb, çox güman ki, qorxduğuna görə hadisə yerini tərk edib. Hazırda onunla əlaqə saxlamaq mümkün deyil", - deyə o əlavə edib.

***

"Kamaz" deformasiyaya uğradığından qaldırıcı kran vasitəsi ilə ərazidən uzaqlaşdırılaraq cərimə meydançasına yerləşdirilib. Yolun hər iki istiqamətində hərəkət bərpa olunub.

***

Bakının Ziya Bünyadov prospektində yol qəzası baş verib.

Publika.az xəbər verir ki, “KamAZ” markalı yük maşını hərəkətdə olarkən taxta ilə dolu yük yeri aşıb.

Nəticədə prospektdə “20 Yanvar” metro stansiyası istiqamətində əsas yol bağlanıb. Hazırda yolun təmizlənməsi üçün Dövlət Yol Polisi və “Azəravtoyol” ASC-nin əməkdaşları tərəfindən tədbirlər görülür.

Prospektin əsas yolunda hərəkət dayandırılıb. Təqribən yarım saatdan sonra tıxac aradan qaldırılıb.

Sürücünün hadisə yerindən qaçdığı bildirilir. (report)