Tovuzda bədbəxt hadisə 8 yaşlı uşağın həyatına son qoydu - (YENİLƏNDİ)
Bizi izləyin

Hadisə

Tovuzda bədbəxt hadisə 8 yaşlı uşağın həyatına son qoydu - (YENİLƏNDİ)

Tovuzun Alakol kənd sakini 2010-cu il təvəllüdlü Cəfərli Yusif Feyruz oğlu toyda yox, öz evlərinin həyətində yıxılıb.

Bu barədə Publika.az-akəndin icra nümayəndəsi məlumat verib.

O bildirib ki, 8 yaşlı uşaq həyətdə oynayarkən yıxılıb başı daşa dəyib: "Hadisə toyda baş verməyib. Uşağın valideynləri ayrılıblar. Yusif atası ilə qalırdı. 4 gün bundan qabaq həyətdə oynayarkən yıxılıb başından ağır zədə alıb. Deyirlər hündür yerdən yıxılıb başı daşa çırpılıb. Elə neçə gün xəstəxanaya apardılar, həkimlər müalicə yazdı. Amma uşaq nəsə qəribə aparırdı özünü. Sonuncu dəfə bu gün tezdən halı pisləşdi, xəstəxanaya getdilər. Eşitdik ki, elə orda ölüb. Bu gün dəfn olunacaq"

***

Tovuzda 8 yaşlı uşaq bədbəxt hadisə nəticəsində ölüb.

Rayonun Alakol kənd sakini, 2010-cu il təvəllüdlü Cəfərli Yusif Feyruz oğlu yaxınlarının toy məclisi zamanı yıxılaraq ağır xəsarət alıb. O, bu gün xəstəxanaya çatdırılsa da, həyatını xilas etmək mümkün olmayıb.

Faktla bağlı araşdırma aparılır. (APA)

Könül Cəfərli

Oxumağa davam et
Reklam
Reklam

Gündəm