Hadisə

Toy axşamı məclisində yeyib-içib yolda yatdı və... - Azərbaycandakı olayın ŞOK TƏFƏRRÜATI

14 Yanvar 2019 18:30

Ağsu rayonunun Qaraqoyunlu kəndində 60 yaşlı kişinin donaraq ölməsi hadisəsi ilə bağlı bəzi məqamlar üzə çıxıb.

Publika.az xəbər verir ki, kənd sakini 60 yaşlı Məmmədov Çingiz Məmməd oğlu hadisə baş verən gün həmkəndlisinin həyətində keçirilən toyaxşamı məclisində iştirak edib. O, toy axşamında xeyli spirtli içki qəbul edib və gecə saatlarında evə qayıdarkən yol kənarındakı arxda yatıb.

Həmin gecə 3 övlad atası olan Ç.Məmmədovun qayıtmadığını görən ailə üzvləri onu axtarmağa başlayıb. Bir neçə saat sonra kənd sakinlərindən biri 60 yaşlı kişinin arxda donaraq öldüyünü və meyitinin arxda qaldığını görüb və bu barədə məlumat verib.

Bildirilir ki, Ç.Məmmədov daha əvvəl alkoqolizm əleyhinə müalicə olunsa da, sonradan pis vərdişinə davam edib.

Faktla bağlı araşdırmalar davam etdirilir.

Muxtar