• USD 1,7000 0,00% EUR 1,9860 0,00%
    • GBP 2,1961 0,00% RUB 0,0216 0,00%

DİN 4 nəfərin öldüyü hadisələrlə bağlı məlumat yaydı

  • Hadisə
  • 23 Oktyabr 2019 19:13
  • 783 Baxış
DİN 4 nəfərin öldüyü hadisələrlə bağlı məlumat yaydı

Daxili İşlər Nazirliyi dünən ölkədə baş vermiş ağır yol qəzaları ilə bağlı məlumat yayıb.

Publika.az nazirliyin mətbuat xidmətinə istinadən xəbər verir ki, oktyabrın 23-də saat 1 radələrində Sabunçu qəsəbəsi ərazisində Maştağa qəsəbə sakini Y.Mürşüdov idarə etdiyi “Mercedes” markalı avtomobillə yolu keçən həmyerlisi Rüfan Bağırovu vurub. Piyada xəstəxanaya aparılarkən yolda ölüb.

Oktyabrın 22-də saat 22 radələrində Hacıqabul rayonunun Muğan qəsəbəsi ərazisində Gəncə şəhər sakini İ.Abbasov idarə etdiyi “DAF” markalı avtomobillə yolu keçən Bərdə rayon sakini Zöhrab Qocamanovu vurub. Nəticədə piyada aldığı xəsarətlərdən hadisə yerində ölüb.

Oktyabrın 22-də saat 18 radələrində Xəzər rayonunun Binə qəsəbəsi ərazisində Bakı şəhər sakini A.Rüstəmov idarə etdiyi “Jeep” markalı avtomobillə yolu keçən 40-45 yaşlı kişini vurub. Nəticədə piyada aldığı xəsarətlərdən hadisə yerində ölüb.

Oktyabrın 22-də saat 23 radələrində Xaçmaz şəhəri ərazisində şəhər sakini V.Nağıyev idarə etdiyi “Mercedes” markalı avtomobillə yolu keçən həmyerlisi Gülməhəmməd Ərzimanovu vurub. Nəticədə piyada aldığı xəsarətlərdən hadisə yerində ölüb.

Hər bir faktla bağlı araşdırma aparılır.

Halal Nemət

Xəbər lenti

DAHA ÇOX XƏBƏR