25 yaşlı gənc qətlə yetirildi - YENİLƏNDİ 2

Masallı rayonunun Musaküçə kənd sakini, 1998-ci il təvəllüdlü Elməddin Kərimovu bıçaqlayaraq qətlə yetirməkdə şübhəli bilinən şəxs saxlanılıb.

Bu barədə Publik.az-a DİN-in Mətbuat Xidmətinin regional qrupundan məlumat verilib.

Məlumata görə, keçirilən əməliyyat-axtarış tədbirləri nəticəsində saxlanılan şəxs Masallı rayon sakini, 2000-ci il təvəllüdlü Höccət Soltanovdur.

Faktla bağlı araşdırma aparılır.

X X X

Masallı rayonunun Musaküçə kənd sakini, 1998-ci il təvəllüdlü Elməddin Kərimovun kəsilmiş-deşilmiş xəsarətlərdən ölməsi ilə bağlı polisə məlumat daxil olub.

Bu barədə Publika.az-a DİN-in Mətbuat Xidmətinin regional qrupundan məlumat verilib.

Polis əməkdaşları tərəfindən cinayət əməlini törətməkdə şübhəli bilinən şəxs və ya şəxslərin saxlanılması istiqamətində əməliyyat-axtarış tədbirləri görülür.

X X X

Masallı rayonunda 25 yaşlı gənc bıçaqlanaraq qətlə yetirilib.

Publika.az report-a istinadən xəbər verir ki, hadisə Musaküçə kəndində qeydə alınıb.

Belə ki, həmin kəndin sakini, 1998-ci il təvəllüdlü Elməddin Kərim oğlu Kərimov yaralı halda, təcili yardım xidmətinin köməyi ilə xəstəxanaya çatdırılıb. Həkimlərin müdaxiləsinə baxmayaraq, onun həyatını xilas etmək mümkün olmayıb.

Qətlin hansı səbəbdən törədildiyi hələ ki məlum deyil.

Faktla bağlı Masallı Rayon Prokurorluğunda araşdırma aparılır.