Bakıda məşhur restoran yanır - VİDEO/YENİLƏNDİ

Paytaxtın Nizami rayonu, M.Əliyev küçəsində yerləşən obyektdə baş verən yanğının ətrafa yayılmasının qarşısı alınıb.

Bu barədə Publika.az-a FHN-dən bildirilib.

Qeyd edilib ki, yanğınsöndürənlərin çevik müdaxiləsi sayəsində şadlıq evinin anbar hissəsində baş vermiş yanğının yayılmasının qarşısı alınıb.

Hazırda yanğının söndürülməsi istiqamətində tədbirlər davam etdirilir.

xxx

Bakıda yanğın baş verən obyektin "Neolit" restoranı olduğu müəyyənləşib.

Publika.az "Report"a istinadən xəbər verir ki, yanğın restoranın anbarında baş verib.

Hazırda FHN qüvvələri tərəfindən yanğının söndürülməsi istiqamətində tədbirlər görülür.

xxx

Bakıda obyekt yanır.

Bu barədə Publika.az-a Fövqəladə Hallar Nazirliyindən məlumat verilib.

Bildirilib ki, nazirliyin “112” qaynar telefon xəttinə Bakı şəhəri, Nizami rayonu, M.Əliyev küçəsində yerləşən obyektdə yanğın baş verməsi barədə ilkin məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.