Ədliyyə Nazirliyi adından bələdiyyələrə saxta zənglər edilir
Bizi izləyin

Hadisə

Ədliyyə Nazirliyi adından bələdiyyələrə saxta zənglər edilir

Ədliyyə Nazirliyi adından bələdiyyələrə saxta zənglər edilir

Son dövrlərdə özlərini Azərbaycan Respublikasının Ədliyyə Nazirliyinin struktur qurumlarının əməkdaşı kimi təqdim edən şəxslərin bələdiyyə üzvlərinə zəng edərək müxtəlif adlar altında ödənişlər tələb etməsi hallarına rast gəlinir.

Bu barədə Publika.az-a Ədliyyə Nazirliyindən məlumat verilib.

Bildiririk ki, Ədliyyə Nazirliyinin bələdiyyələrlə bağlı fəaliyyəti onların işinin təşkilinə kömək etmək, metodoloji yardım göstərmək və inzibati nəzarəti həyata keçirməkdən ibarətdir.

Bu sahədə fəaliyyətlə bağlı Nazirliyə dövlət rüsumunun və ya hər hansı digər adda vəsaitin ödənilməsi nəzərdə tutulmayıb və bələdiyyələrə belə tələblər irəli sürülmür.

Bələdiyyələrin vəzifəli şəxslərinə diqqətli olmaq, şübhəli zənglərə və mesajlara, eləcə də digər üsulla irəli sürülən bu cür qanunsuz ödəniş tələblərinə inanmamaq tövsiyə olunur.

Oxumağa davam et
Reklam
Reklam

Gündəm

Zəfaran Hospital
Səba