Hadisə

Lökbatandakı atışmaya görə daha bir nəfər saxlanıldı

23 Dekabr 2015 12:11

Bakının Lökbatan qəsəbəsindəki “Zeytə” restoranında silahlı insident törədən şəxslərdən daha biri saxlanılıb. “Report”un xəbərinə görə, hadisənin iştirakçısı olan Məhərrəm Əliyevin dostu, Zaqatala rayon sakini Samir İbrahim oğlu Epdiyev Qaradağ Rayon Polis İdarəsi (RPİ) əməkdaşlarının keçirdiyi əməliyyat zamanı tutulub.

“Report”un əməkaşı həm də onu öyrənib ki, S.Epdiyevin adı Əmək və Əhalinin Sosial Müdafiəsi Nazirliyinin ünvanlı sosial yardım (ÜSY) alanlar siyahısında var. O, bu ilin oktyabr ayından 200 manat məbləğində ÜSY alır. ÜSY iki illik, yəni 30 sentyabr 2017-ci il tarixədək olan dövr üçün təyin edilib.

Qeyd edək ki, hadisə nəticəsində 6 nəfər yaralanıb. Onlardan birinin 7 yaşı var.

Hadisənin əsas iştirakçısı olan Məhərrəm Əliyev dünən tutulub.