Hadisə
Prokurorluqdan Bakıdakı qəza ilə bağlı AÇIQLAMA
Bəzi kütləvi informasiya vasitələri
(KİV) “Kütləvi informasiya vasitələri haqqında” qanunun tələblərini
kobud şəkildə pozaraq heç bir real faktlara əsaslanmadan 7 iyul
2015-ci il tarixdə Xətai rayonu ərazisində baş vermiş yol-nəqliyyat
hadisəsi ilə əlaqədar rəsmi qurumların mövqeyini öyrənmədən yalnız
zərərçəkmiş şəxsin mülahizələri əsasında birtərəfli qaydada
həqiqətə uyğun olmayan informasiyalar yayıblar.
Axar.az Baş Prokurorluğun mətbuat
xidmətinə istinadən xəbər verir ki, Baş Prokurorluq göstərilənlərlə
əlaqədar bildirir ki, 7 iyul 2015-ci il tarixdə saat 23 radələrində
2000-ci il təvəllüdlü Nəcəfli Fəqan Əfqan oğlu sürücülük vəsiqəsi
olmadan Xətai rayonu ərazisində idarə etdiyi “Toyota Land Cruiser”
markalı avtomobillə Ramal Abbasovun idarə etdiyi “Hyundai Sonata”
markalı avtomobillə toqquşub, nəticədə sonuncu sağlamlığa ağır
zərər vurmaya aid, “Hyundai Sonata” markalı avtomobildə olan
sərnişin isə sağlamlığa az ağır zərər vurmaya aid bədən xəsarətləri
alıblar.
Faktla bağlı 28 iyul 2015-ci il tarixdə Xətai Rayon Polis
İdarəsinin İstintaq Şöbəsində Cinayət Məcəlləsinin 263.1-ci maddəsi
ilə cinayət işi başlanıb. R. Abbasovun anası Nəzakət Abbasovanın
çoxsaylı müraciətləri nəzərə alınaraq cinayət işinin istintaqı 10
sentyabr 2015-ci il tarixdən Bakı şəhəri BPİ-nin İstintaq və
Təhqiqat İdarəsində davam etdirilib.
28 sentyabr 2015-ci il tarixdə cinayət işi həmin məcəllənin
263-1.2-ci maddəsinə tövsif edilib. İstintaq zamanı hadisə yerinə
baxış keçirilib, hadisə yerinin sxemi tərtib edilib, iş üzrə
şahidlər dindirilib, “Təhlükəsiz şəhər” Avtomatlaşdırılmış
İdarəetmə Mərkəzinin kamera görüntüləri götürülüb, müvafiq
ekspertizalar təyin edilərək rəylər alınıb və digər zəruri istintaq
hərəkətləri aparılıb.
İş üzrə təyin edilmiş məhkəmə yol-nəqliyyat hadisələri
ekspertizasının rəyi ilə müəyyən edilib ki, “Toyota Land Cruiser”
markalı avtomobili idarə edən F. Nəcəflinin hərəkətlərində tədqiq
olunan şəraitdə “Yol hərəkəti haqqında” qanunun tələblərinə
uyğunsuzluq olub və onun hadisənin qarşısını almağa texniki imkanı
olub.
Cinayət qanunu ilə nəzərdə tutulmuş əməlin baş verdiyi anda onu
törətmiş şəxs, yəni yetkinlik yaşına çatmayan F. Nəcəfli cinayət
məsuliyyətinə cəlb etməyə imkan verən yaş həddinə çatmadığından
cinayət işi üzrə icraata xitam verilib. Həmin qərar qanuni və
əsaslı hesab edilib.
N. Abbasova istintaq orqanının qəbul etdiyi qərarla razılaşmayaraq
mütəmadi olaraq müxtəlif orqanlara, o cümlədən Baş Prokurorluğa
müraciətlər edib. O, dəfələrlə Baş Prokurorluqda qəbul edilib və
ona iş üzrə qəbul olunmuş qərarın cinayət-prosessual
qanunvericiliyinə uyğun olduğu izah edilib. Bununla yanaşı,
nəqliyyat vasitəsinə sahiblik hüququ olan Nəcəfli Əfqan İsa oğlunun
nəqliyyat vasitəsini idarə etmək üçün idarəetmə hüququ olmayan oğlu
F. Nəcəfliyə verdiyinə görə onun inzibati məsuliyyətə cəlb edilməsi
üçün cinayət işi üzrə qəbul edilmiş qərarın surəti Xətai rayon
Polis İdarəsinin Dövlət Yol Polis Şöbəsinə göndərilib və Ə. Nəcəfli
inzibati qaydada cərimə olunub. İş üzrə qəbul edilmiş qərar
əsasında sığorta şirkəti tərəfindən R. Abbasova 9 min manat
məbləğində sığorta ödənişi verilib.
Bundan başqa, N. Abbasova Suraxanı rayon məhkəməsinə mülki iddia
qaydasında müraciət edərək azyaşlı F. Nəcəfli tərəfindən
yol-nəqliyyat hadisəsi nəticəsində ona vurulmuş külli miqdarda
ziyanın sonuncunun atası Ə. Nəcəfli tərəfindən ödənilməsini xahiş
edib və məhkəmənin qətnaməsi ilə Ə. Nəcəfli tərəfindən R. Abbasova
42 min manat məbləğində pul vəsaiti ödənilməsi qət edilib. Ə.
Nəcəfli həmin qətnamə ilə razılaşmayaraq Bakı Apellyasiya
Məhkəməsinə şikayət verib və məhkəmə baxışı 24 may 2016-cı il
tarixə təyin edilib.
Göstərilənlərlə əlaqədar, KİV nümayəndələri tərəfindən bu kimi
halların gələcəkdə təkrarlanmaması və həqiqətə uyğun olmayan
məlumatların yayılmaması məqsədilə həmin məlumatı dərc etməzdən
əvvəl informasiyanın düzgünlüyünün hüquq-mühafizə orqanlarının, o
cümlədən Baş Prokurorluğun mətbuat xidmətləri ilə dəqiqləşdirmələri
tələb olunur.
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR - VİDEO
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ