İdman

Qəbələdə “Koreya Səfiri Kuboku”

10 Sentyabr 2015 23:39

Sentyabrın 12-də Qəbələ şəhərində, taekvondo üzrə gənclər arasında “Koreya Səfiri Kuboku” yarışına start veriləcək.

Publika.az xəbər verir ki, Cənubi Koreya Respublikasının ölkəmizdəki səfirliyi və Azərbaycan Taekvondo Federasiyasının (ATF) dəstəyi ilə təşkil edilən yarış iki gün davam edəcək. Yarışda respublikamızda fəaliyyət göstərən taekvondo bölmələrinin 1998-2000-ci il təvəllüdlü gənc idmançıları dayanq üzərinə çıxacaq.

Qalib olan taekvondoçular ATF və Koreya səfirliyinin təsis etdiyi diplom, medal və müxtəlif hədiyyələrlə mükafatlandırılacaq. Yarış Qəbələ şəhər Olimpiya İdman Kompleksində keçiriləcək.