İdman
Avropa çempionu olan idmançımız: “Qoy sirr olaraq qalsın”
Azərbaycan ağır atletləri bir müddət öncə Litvanın Klaypeda şəhərində keçirilən Avropa çempionatından vətənə 3 qızıl və 1 bürünc medalla döndülər.
Həmin yarışdan “Zirvə” BİK-in üzvü Firidun Quliyev, Anastasiya İbrahimli və Dadaş Dadaşbəyli qızıl medal qazanmışdılar. Bununla yanaşı, hər 3 çempionumuz öz yaş qruplarında mütləq qələbəni qeyd edərək Avropanın ən yaxşıları seçiliblər. Azərbaycan yığma komandası bu nəticələrlə Avropa çempionatında 3-cü yeri tutub.
Qeyd edək ki, Firidun Quliyev Beynəlxalq Ağırlıqqaldırma Federasiyasının qərarı ilə dopinqdə “ilişən” idmançılar sırasında idi. Qərara əsasən F.Quliyev də 2 il müddətinə diskvalifikasiyaya məruz qalmışdı.
Biz də cəzasını başa vurmuş idmançıyla söhbətləşmək qərarına gəldik. Publika.az-a müsahibəsində 21 yaşlı idmançı Avropa çempionu kimi vətənə qayıtmaq sevincindən və ağır günlərində yanında olan adamlardan danışdı.
- Bu yaxında vətənə Avropa çempionu kimi qayıtdınız. Bu, dopinq cəzasından sonra neçənci uğurunuz idi?
- Cəzadan sonra ilk qələbəm idi. Bu yarışa sırf çempion olmaq ümidiylə getməmişdim. Ona görə ki, rəqibim - türkiyəli idmançı məndən güclü idi. Amma sağ olsun Hafiz müəllim (Hafiz Süleymanov). O, mənə həvəs verdi. Onun sayəsində təlim-məşq toplanışlarında ciddi çalışaraq qalib oldum. Bu üzdən şəxsi məşqçimə dərin minnətdarlığımı bildirirəm.
- 2 il sonra yenidən idmana başlamaq çətin deyildi?
- Onsuz da idmanı buraxmamışdım, məşqlərə davam edirdim. O ki qaldı çətinliyə, bəli, körpücük üzərinə çıxanda həyəcan var idi. Amma məşqləri tək edirdim, millidən kənarda...
- Cəzalı olduğunuz vaxtlarda ətrafınızda kimlər var idi?
- Ailəm, dostlarım ... Onlar mənə ürək-dirək verirdi.
- Avropa çempionatına hazırlaşmaq üçün nə qədər vaxt sərf etdiniz?
- 7 ay ciddi məşq etdim. Onun bəhrəsi olaraq da bu nəticəni qazandım və çox sevinirəm.
- Cəzalanmamışdan əvvəl də Hafiz Süleymanovla çalışırdınız?
- Bəli, uzun müddət Hafiz müəllimlə çalışmışam. Amma təlim-məşqlər ölkədən kənarda olduğu üçün bəzən alınmırdı. Ancaq 3 aya yaxındır ki, şəxsi məşqçimdir.
- Avropa çempionu olandan sonra Ağır Atletika Federasiyası tərəfindən mükafat verildimi? Sirr deyilsə, mükafatın dəyərini bilmək olar?
- Qoy sirr olaraq qalsın.
- Bizdə olan məlumatlara görə, federasiya idmançılara ayrılan maaşları bir neçə aydır vermir. Sizdə də bu problem varmı?
- Xeyr, hələ belə bir problemim yoxdur.
- Bir az əvvələ qayıdaq... Dopinqə görə cəzalandığınızı eşidəndə nə düşündünüz? Sizə bu barədə birinci kim məlumat verdi?
- Bu xəbəri ilk öncə mən bildim. Sonra da komanda yoldaşlarım xəbər tutdu. Təbii ki, pis oldum. Ancaq nə faydası? Artıq cəzanı vermişdilər.
- Həmin gündən etibarən milli ilə məşqləriniz dayandırıldı?
- Xeyr, bir müddət bir yerdə olduq, birlikdə məşqlərimizi etdik. Sonra hər kəs dağıldı.
- Hazırda milli komandanın durumu nə yerdədir? Cəzası bitən idmançılar toparlana biliblər?
- Hazırda yaxşıdır. Şükür, toparlanıblar.
- Qaşıda hansı hədəfləriniz var?
- Hazırda komanda dünya çempionatına hazırlaşır. Bu yarışda Rio-de-Janeyro Olimpiya Oyunlarına lisenziya qazanmaq uğrunda mübarizə aparacağıq. İnşallah, mən də olimpiya oyunlarına düşərəm.
- Sizcə, milli komanda yoldaşlarınızdan kim olimpiya oyunlarına lisenziya verə biləcək? Kimə ümid var?
- Bu suala cavab verə bilmərəm. Çünki hələ heç kim heç nə bilmir.
- Bu mənada özünüzə güvənirsiniz? Lisenziyanı təmin edəcək idmançılar siyahısında olacaqsız?
- Bu barədə yüz faiz nəsə demək çətindir. Çünki rəqiblərim güclüdür. Ancaq lisenziya qazana bilmək üçün əlimdən gələni edəcəyəm.
Aygün İlqarqızı
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"