İdman

16 yaşlı uşaq A seriyasında debüt etdi

26 Oktyabr 2015 19:43

A seriyasının son turunda İtaliya futbolunu yaxından maraqlandıran əlamətdar hadisə baş verib.

Publika.az xəbər verir ki, 9-cu turda baş tutan “Milan” – “Sassuolo” qarşılaşmasında meydan sahiblərinin qapısını 16 yaşlı uşaq qoruyub.

“Milan”ın heyətində ilk oyununa çıxan Canluici Donnarumma debütünü qələbəylə qeyd edib. 16 yaş 208 günlüyündə A seriyasında oyuna çıxan qapıçı Paolo Maldinidən sonra “Milan”da ikinci və ümumiyyətlə A seriyasında debüt edən ilk gənc qapıçı kimi tarixə düşdü. Maldini də 1985-ci ildə debüt edərkən 16 yaş 208 günlük olub.

Yaşının az olmasına baxmayaraq, etibarlılığı ilə diqqət çəkən Donnarumma yalnız bir epizodda çıxışda səhvə yol verdi və 28 metr məsafədən qapısında qol gördü. Yekunda “Milan” “Sassuolo” üzərində 2:1 hesablı qələbə qazandı.