Turin derbisində qalib müəyyənləşmədi - - VİDEO

İtaliya A seriyasında 35-ci tura start verilib.

Publika.az xəbər verir ki, turun ilk oyununda “Napoli” “Kalyari”ni qəbul edib. Matç meydan sahiblərinin 3:1 hesablı qələbəsiylə nəticələnib.

Lider “Yuventus” bu turda çempionluğunu rəsmiləşdirə bilərdi. Belə ki, “qoca sinyora” bu gün Turin derbisində “Torino”nu məğlub etsə, “Roma” isə sabah “Milan”la səfər oyununda xal itirəcəyi halda, “Yuve” ardıcıl 6-cı dəfə A seriyasının qalibi olacaqdı. Lakin "qoca sinyora" derbidə məlubiyyətdən yalnız Qonsalo İquaynın son dəqiqələrdə vurduğu qolla xilas olub - 1:1.

Ancaq bu heç-heçə də "Yuve"ni vaxtından əvvəl çempion edə bilər. Belə ki, "Roma" "Milan"la səfər oyununda məğlub olsa, "qoca sinyora" sona 3 tur qalmış ardıcıl 6-cı çempionluğunu rəsmiləşdirəcək.

İtaliya A seriyası, 35-ci tur

6 may

Napoli - Kalyari 3:1

Qol: Mertens, 2; 50. İnsinye, 67 - Farias, 90+2.

Yuventus - Torino 1:1

Qol: İquayn, 90+2 - Lyayiç, 52.

Qırmızı vərəqə: Akva, 57 (Torino).

7 May

14:30 Udineze - Atalanta
17:00 Kyevo - Palermo
17:00 Empoli - Bolonya
17:00 Cenoa - İnter
17:00 Latsio - Sampdoriya
17:00 Peskara - Krotone
17:00 Sassuolo - Fiorentina
22:45 Milan - Roma