Çempionlar Liqasında “Qarabağ”ın axşamı - YENİLƏNDİ

"Qarabağ"la "Olimpiya" arasındakı matçda hesab açılmadı: 0-0. Buna baxmayaraq, təmsilçimiz növbəti mərhələyə yüksəldi.

***

Bu gün "Qarabağ" Çempionlar Liqasının I təsnifat mərhələsində cavab matçına çıxır. Publika.az xəbər verir ki, ağdamlılar Sloveniyanın "Olimpiya" komandası ilə üz-üzə gəlirlər.

Səfərdə 1:0 hesablı qələbə qazanan Azərbaycan çempionu doğma divarlar arasında mərhələni keçmək arzusundadır.

"Qarabağ" - "Olimpiya" qarşılaşması üç futbolçu üçün yubileylə əlamətdar ola bilər. Belə ki, Dani Kintana, Rəşad Sadıqov və Ansi Aqolli yubileyin astanasındadı.

Kintana "Qarabağ"ın heyətində 30-cu avrokubok görüşünü keçirə bilə. O, ağdamlılarla 29 qitə miqyaslı matçda forma geyinib.

Sadıqov isə komandasının heyətində 20-ci Çempionlar Liqası görüşünə çıxmağa hazırlaşır. O, qitənin ən nüfuzlu klub turnirində 19 dəfə Ağdam təmsilçisinin şərəfini qoruyub.

Aqolli isə "Qarabağ"da ümumilikdə 300-cü matçını gözləyir. Hesabında 299 qarşılaşma olan müdafiəçi Sloveniyadakı matçı buraxsa da, Tofiq Bəhramov adına Respublika stadionundakı görüşdə yubileyi rəsmiləşdirə bilər.

Tofiq Bəhramov adına Respublika Stadionunda keçiriləcək görüş saat 21:00-da start götürəcək.

Çempionlar Liqası

I təsnifat mərhələsi (cavab oyunu)

18 iyul

"Qarabağ" (Ağdam, Azərbaycan) - "Olimpiya" (Lyublyana, Sloveniya) - 0:0

Baş hakim: Erez Papir

Yan xətt hakimləri: David Elias Bitton, Eliyahu Casapu

Ehtiyat hakim: David Fuxman (hamısı İsrail)

UEFA nümayəndəsi: Robert Kispal (Macarıstan)

İlk oyun: 1:0

"Qarabağ" (Azərbaycan): 13. Vaqner da Silva, 5. Maksim Medvedev (k), 6. Simeon Slavçev, 8. Miçel, 10. Dani Kintana, 11. Mahir Mədətov, 17. Abdullah Zubir, 52. Yakub Jezniçak, 55. Bədavi Hüseynov, 77. Vild-Donald Gerye, 91. Coşqun Diniyev

Ehtiyat oyunçular: 12. Şahrudin Məhəmmədəliyev, 4. Rahil Məmmədov, 25. Ansi Aqolli, 30. Abbas Hüseynov, 14. Rəşad Sadıqov, 19. Filip Ozobiç, 18. İsmayıl İbrahimli

Baş məşqçi: Qurban Qurbanov

"Olimpiya" (Sloveniya): 31. Alyaj İvaçiç, 3. Makki Baqnak, 5. Marko Qayiç, 7. Rok Kronaveter, 21. Kinqsli Boatenq, 27. Aris Zarifoviç (k), 44. Dino Ştiqleç, 70. Marko Putinçanin, 77. Stefan Saviç, 90. Tomislav Tomiç, 95. Daniel Avramovski

Ehtiyat oyunçular: 41. Neyts Vidmar, 8. Daniyel Mişkiç, 15. Asmir Sulyiç, 22. Haris Kadriç, 10. Qoran Brkiç, 29. Matiç Çrniç, 30. Branko İliç

Baş məşqçi: İliya Stolitsa

***

Canlı yayımı BURADAN izləyə bilərsiniz.