İdman

Qətər Mundialdan nə qədər QAZANACAQ?

29 Avqust 2022 11:25

Bu il Qətərdə keçiriləcək futbol üzrə dünya çempionatından əldə ediləcək gəlirin həcmi bəlli olub.

Publika.az xəbər verir ki, bu barədə Mundial - 2022-nin icraçı direktoru Nasser Əl-Xater açıqlamasında bildirib.

Onun sözlərinə görə, FIFA-nın hesablamalarına əsasən, Qətər mundialın gəlirləri 6 milyard dollar ətrafında ola bilər.

Əl-Xater yarışın açılışına üç ay qalmış azarkeşlər üçün xüsusi hayya kartını sınaqdan keçirəcəklərini söyləyib. Bu kart azarkeşlərin ölkəyə giriş üçün həm viza, həm də stadionlara buraxılış rolunu oynayacaq.

Xüsusi olaraq DÇ-22 üçün inşa edilən sonuncu stadionun açılış mərasimi sentyabrın 9-u Lusail şəhərində gerçəkləşəcək. Burada Misir və Səudiyyə Ərəbistanı çempionları Lusail Superkuboku uğrunda matçda üz-üzə gələcəklər. Hayya kartı da ilk dəfə məhz bu qarşılaşmada istifadə olunacaq.

Qeyd edək ki, Qətər DÇ-2022-nin oyunları noyabrın 20-dən dekabrın 18-dək keçiriləşəcək.

Teqlər top