Messi "Barselona"nı aldadıb? - Klub bəyanat yaydı
Bizi izləyin

İdman

Messi "Barselona"nı aldadıb? - Klub bəyanat yaydı

Lionel Messinin "İnter Mayami" ilə anlaşdığını elan etməsindən sonra "Barselona" bəyanat yayıb.

Publika.az xəbər verir ki, bəyanatda bir sıra maraqlı məqamlar açıqlanıb. Argentinalı futbolçuya uyğun təklfi edilməsinə rəğmən seçimini Mayami təmsilçisindən yana etdiyi vurğulanıb:

"Həftənin bazar ertəsi, yəni iyunun 5-də Lionel Messinin atası və nümayəndəsi Xorxe Messi klub prezidenti Xuan Laportaya oyunçunun "İnter Mayami"yə keçidi barədə məlumat verib. Baxmayaraq ki, Lionel Messinin yenidən "göy-qırmızı" formanı geyinməsi üçün həm klub, həm də oyunçunun istəyinə uyğun təklif irəli sürülmüşdü. Prezident Laporta Messinin daha az tələbkar, diqqətdən və son illər rastlaşdığı təzyiqdən uzaq olan bir çempionatda oynamaq qərarını anlayıb və hörmət göstərmişdir.

Eyni zamanda Xuan və Xorxe hər zaman sevilən və seviləcək Messinin şərəfinə mərasimin keçirilməsi üçün birlikdə hazırlıq işlərini görəcəklərinə dair razılıq əldə ediblər".

Heybət

Oxumağa davam et
Reklam
Reklam

Gündəm