Futbolçuları təhqir etdi: Sadiqlik haqqında nağıllar danışırlar

Rusiyalı futbol mütəxəssisi Andrey Kançelskis açıqlaması ilə gündəmə gəlib.

Publika.az xəbər verir ki, o, Moskva ÇSKA-sının sabiq müdafiəçisi Mario Fernandesin "Zenit"ə keçmə ehtimalına münasibət bildirərkən müasir futbolçuların pulu üstün tutduqlarını bildirib.

“Mario məni təəccübləndirdi? Əlbəttə yox. Aydın məsələdir ki, bu məsələdə söhbət puldan gedir. Karyerasının sonunda Mario pul qazanmaq və çempion olmaq istəyir. "Zenit" yenə çempion olacaq. Mənim üçün hər şey çox aydındır.

Müasir Rusiya futbolunda xəyanətdən danışanda gülməli gəlir. Kluba sadiqlik nədir? İndi Rusiyada belə bir şey yoxdur! Müasir oyunçular özlərini fahişə kimi aparırlar. Sovet dövründə klubların qarşısında real anlayışlar var idi. “Spartak”dan “Dinamo”ya getmək ölüm kimi idi. İndi isə hamısı uşaq bağçasındakı kimi kluba sadiqlik haqqında nağıllar danışırlar. Mario rus futbolunun müasir qaydalarına uyğun oynayır və pul qazanır”.

Qeyd edək ki, Rusiyanın aparıcı saytları milliləşdirilmiş Fernandesin yaxın vaxtlarda "Zenit"lə müqavilə imzalayacağını bildirib.

Heybət