Şumaxerin özünə oxşamayan oğlu: Onu yoldan çıxaran kimdir?

Əfsanəvi "formula 1" pilotu, uzun illərdir komada olan Mixail Şumaxerin oğlu Mik də atasının yolunu davam etdirir. Amma o, atasının kölgəsində qalıb.

24 yaşlı pilot mövsümü yarışsız keçirir: "Haas"da keçirdiyi üç uğursuz ildən sonra əvvəlcə "Mercedes"in, daha sonra "McLaren"in ehtiyat sürücüsünə çevrilib.

Bu mövsüm Mik debüt etməyib. Şəxsi həytatından görünən isə odur ki, karyerasındakı uğursuzluq onu narahat etmir. Əfsanəvi pilotun oğlu uğur qazanmaqdan çox, darıxdırıcı həyat keçirməməyə çalışır. Şumaxer danimarkalı model Layla Hasanoviçlə münasibətə başlayıb.

Layla Kopenhagendəndir və Bosniya kökənə malikdir. Mik ilə birlikdə ilk dəfə bir ay əvvəl - Belçika Qran Prisində görüntülənib. Cütlük bu yaxınlarda münasibətlərini etiraf edib: Şumaxer "Instagram" hesabında Layla ilə yaxtada çəkilən fotosunu yayımlayıb.

Hasanoviç modeldir - "Miss Danimarka" yarışının finalçısıdır. O, əvvəllər "Volfsburq"un ulduzu hesab edilən Conas Vind ilə münasibətdə olub. Onun sosial mediada 191 min izləyicisi var.

Heybət