Buffon evlənir: Görün kimi seçib - FOTOLAR

Ötən mövsümün sonunda futbolçu karyerasını başa vuran əfsanəvi qapıçı Canluici Buffon şəxsi həyatında dəyişiklik etmək qərarına gəlib.

Publika.az xəbər verir ki, o, İtaliyanın "Sky Sports" kanalının sabiq aparıcısı İlaria D'Amiko ilə nişanlanıb. Cazibədar teleaparıcı 2014-cü ildən dünya çempionu ilə münasibətdədir.

Cütlük 2017-ci ildən toy etməyi planlaşdırsalar da, bu Cicinin karyerası başa çatana qədər təxirə düşüb. 45 yaşında karyerasını başa vuran italiyalı qolkiper gələn yay nikah bağlamağa hazırlaşır.

İtalyan aparıcı İlaria əvvəlcə hüquqşünas olmaq üçün təhsil alıb. Daha sonra "Sky Sports"da (İtaliya) uğur qazanaraq mediada karyerasına başlayıb. 2018-ci ilə qədər televiziya şirkətində aparıcı və şərhçi işləyib. Sonrakı illərdə başqa sahəyə - sənayeyə üz tutub.

40 yaşlı sabiq aparıcının sosial mediada 55.000-dən çox izləyicisi var. O, həyatın bütün sahələrinə dair fikirlərini fanatlarıyla bölüşür.

İlariyanın Buffonla münasibəti təxminən on il əvvəl sabiq qapıçının keçmiş həyat yoldaşından ayrılmasından sonra başlayıb. Buffon əvvəllər çexiyalı model Alena Seredova ilə üç il evli olub. Onlar 2014-cü ildə ayrılıblar.

Heybət