İdman
AFFA Yılmaz Vurala təklif göndərib? – RƏSMİ AÇIQLAMA
Futbol üzrə milli komandamızın baş məşqçilik postuna namizədlərdən biri də türk mütəxəssis Yılmaz Vuraldır.
Publika.az xəbər verir ki, təcrübəli mütəxəssisin özü bunu Türkiyə mətbuatına açıqlamasında deyib:
“Mən də Azərbaycanda güclü namizədlərdən biriyəm”.
Yılmaz Vural Azərbaycan millisinin keçmiş baş məşqçisi Foqtsun müqaviləsi uzadılmamışdan əvvəl də onunla AFFA rəhbərliyi arasında görüşün olduğunu və ölkəmizdə çox sevildiyini bildirib:
“Azərbaycanda da buradakı qədər sevilirik. Azərbaycana getdiyimiz zaman gömrükdə pasport soruşmurlar. Dilimiz, mədəniyyətimiz bir olduğu üçün bizi əcnəbi kimi görmürlər. Bu səbəbdən, hər zaman o ölkənin də gündəmindəyik”.
Maraqlıdır, Yılmaz Vural, doğrudan da, millimizin baş məşqçilik postuna ən güclü namizədlərdəndir?
Bəs, Foqtsla müqavilə uzadılmamışdan öncə Vurala təklif göndərilməsi doğrudur?
Bu suallara cavab tapmaq üçün AFFA-nın mətbuat xidmətinin rəhbəri Mikayıl Nərimanoğlu ilə əlaqə saxladıq. Publika.az-a danışan qurum rəsmisi “ənənəsinə” sadiq qaldı. Belə ki, Mikayıl müəllim yenə məxfilikdən danışdı:
“Baş məşqçi ilə danışıqlar gedir. Qaydalara uyğun olaraq həmin məşqçinin adı gizli saxlanılır. İcraiyyə komitəsi qərar verdikdən sonra mətbuata açıqlama verəcəyik”.
Bu cavab bizi tam qane etmədiyi, sualımıza uyğun cavabı almadığımız üçün yenidən həmin sualla müraciət etdik. Ancaq qurum rəsmisi öz cavabını təkrarladı.
Qeyd edək ki, millinin baş məşqçilik postu müvəqqəti olaraq Mahmud Qurbanova tapşırılıb. Yeni baş məşqçinin isə dekabrın sonlarına qədər bəlli olacağı deyilir.
Aygün İlqarqızı
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək