İdman

Benitesin çalışdırdığı ən yaxşı futbolçu - Ronaldo deyil

22 Avqust 2024 14:57

Tanınmış ispan baş məşqçi Rafael Benites karyerası ərzində çalışdırdığı ən yaxşı futbolçunun adını açıqlayıb.

Publika.az xəbər verir ki, ispan mütəxəssis etiraf edib ki, “Liverpul”un keçmiş kapitanı Stiven Cerrard çalışdırdığı bütün ulduzlar arasında seçilir.

“Stiv indiyə qədər çalışdırdığım ən yaxşı oyunçudur. “Real Madrid”i çalışdıranda bunu deyə bilməzdim. Amma indi bunu çox aydın deyə bilərəm. Onun hər şeyi var idi.

O, o qədər yaxşı idi, o qədər enerjisi var idi ki, cərimə meydançasına girə, müdafiəçi kimi çıxış edə, istədiyini edə bilərdi”, – ispan mütəxəssis deyib.

Benites 2004-2010-cu illərdə “Liverpul”a rəhbərlik edib, Çempionlar Liqasını, İngiltərə Kubokunu qazanıb. 2013-cü ildə “Çelsi” ilə Avropa Liqasının, 2014-cü ildə “Napoli”nin heyətində İtaliya kubokunu qazanıb.