İdman

İkardi ilə Vanda bu ölkədə görüşdülər: Boşanmaq planı təxirə düşür? - FOTOLAR

10 Sentyabr 2024 11:29

Evliliklərində böhran yaşayan "Qalatasaray"ın ulduzu Mauro İkardi və həyat yoldaşı Vanda Nara Argentinada bir araya gəlib.

Publika.az xəbər verir ki, "Adana Dəmirspor"la matçda zədələnərək müalicə üçün ölkəsinə gedən İkardi ona qarşı boşanma davası açan Vanda Nara ilə görünüb.

Nara "Qalatasaray"ın ulduzunu sosial şəbəkədə izləməyi dayandırıb və boşanmaq üçün məhkəməyə müraciət etdiyini açıqlamışdı. Uzun müddətdir görüşməyən cütlüyü İkardinin zədəsi bir araya gətirib.

Argentina mətbuatında çıxan xəbərə görə, cütlük Naranın keçmiş əri Maksi Lopesdən olan oğlu Valentino Lopezin “River Pleyt” gənclər komandası ilə matçını izləyib. Bu görüş onların yenidən barışdıqları iddialarını gündəmə gətirib.

Qeyd edək ki, əvvəllər də onların münasibətlərində ayrılıqlar və qalmaqallar yaşanıb. Ancaq hər dəfə barışmaq qərarına gəliblər.

Heybət

Argentinada görüşdülər