UEFA İngiltərə təmsilçilərini yarışlardan kənarlaşdırır? – Xəbərdarlıq edildi

UEFA İngiltərə təmsilçilərini himayəsi altında keçirilən turnirlərdə iştirakını dayandıra, əlavə olaraq, ölkəni 2028-ci il Avropa çempionatına ev sahibliyi etmək hüququndan məhrum edə bilər.

Publika.az xəbər verir ki, buna səbəb hökumətin futbola müdaxiləsi səbəbidir. Bu barədə “The Telegraph” məlumat yayıb.

Mənbənin sözlərinə görə, potensial kənarlaşdırma, konsepsiyası Böyük Britaniyanın əsas siyasi partiyaları tərəfindən təklif edilən müstəqil futbol tənzimləyicisinin mümkün yaranması ilə əlaqədar baş verə bilər. Bu tənzimləyici ingilis klublarının lisenziya sisteminə nəzarət etməli, onların sahiblərini və direktorlarını yoxlamalı, əsas qərarlarda azarkeşlərə söz verməlidir.

Vurğulanır ki, UEFA-nın baş katibi Teodor Teodoridis artıq Böyük Britaniyanın mədəniyyət, media və idman naziri Liza Nendiyə məktub göndərib və məktubda hökumətin futbolun inkişafına heç bir müdaxilə etməməli olduğunu vurğulayıb.

Teodoridis məktubunda belə bir tənzimləyicinin yaradılması ideyasına nikbin yanaşan FA-nın UEFA və FİFA-nın nizamnaməsinə uyğun olaraq müstəqilliyini qorumalı olduğunu vurğulayıb.