"Mançester Siti"nin uğurlarının sirri ortaya çıxdı: 6700 manatlıq kreslo - FOTO

Futbolda yeni turnirlər yaradılır, yarışların formatı dəyişdirilir. Bütün bunlar oyunların sayının artmasına səbəb olur.

Publika.az xəbər verir ki, son illərin ən formda olan komandalarından biri "Mançester Siti"nin futbolçuları bu mövsüm nəzəri olaraq 83 oyun keçirə bilərlər. Belə şəraitdə klub futbolçuların sağlamlığının qayğısına qalmalıdır.

Matçlardan sonra bərpa əhəmiyyətli rol oynayır. Bu məqsədlə "şəhərlilər"in bazasında klassik buz vannalarından qat-qat effektiv olan müasir kriokameralar quraşdırılıb. "Siti" yüngül çəkisi, funksiyaları və multisensor səs vibrasiya terapiyası olan kreslolar alıb. Bu oturacaqlar bədəndəki əlavə stressi azaltmaq üçün nəzərdə tutulub.

Kreslolar bütün bədənə - arxadan baldırlara qədər yayılan vibrasiya sayəsində sözün əsl mənasında bədəninin səsini hiss etməyə imkan verir. Bu “musiqili masaj” futbolçulara sakitləşdirici və bərpaedici təsir göstərir.

Bir kreslo Mançester təmsilçisinə 3000 funt sterlinqə, başqa sözlə 6763 manata başa gəlib. Ondan neçə ədəd alındığı məlum deyil.

Heybət