“Beşiktaş”dan 20 milyon avroluq transfer həmləsi

“Beşiktaş” transfer çalışmalarını davam etdirir.

Publika.az xəbər verir ki, İstanbul təmsilçisi Almaniyanın “Auqsburq” klubunda çıxış edən 21 yaşlı Mert Kömürlə maraqlanır.

Almaniya mətbuatının məlumatına görə, “Beşiktaş” gənc yarımmüdafiəçinin transferi uğrunda mübarizəyə qoşulan klublardan biridir. Bildirilir ki, Kömürə başqa komandaların da marağı var.

“Augsburg” futbolçu üçün təxminən 20 milyon avro transfer haqqı tələb edir. Bununla belə, Almaniya klubunun bu məbləğdə müəyyən güzəştə getməyə hazır olduğu qeyd olunur.

Məlumata əsasən, müqaviləyə müxtəlif bonusların və futbolçunun gələcək satışından “Augsburg”a pay verilməsi şərtinin daxil edilməsi transfer məbləğinin aşağı salınmasına imkan verə bilər.

“Augsburg”un yetirməsi olan Mert Kömür əsas komandaya qədər klubun akademiyasında yetişib. Orta sahədə çıxış edən futbolçu texniki imkanları və hücuma verdiyi töhfə ilə diqqət çəkir.

21 yaşlı oyunçu cari mövsümdə bütün turnirlər nəzərə alınmaqla 4 matçda meydana çıxıb və ümumilikdə 108 dəqiqə meydanda olub.