Əşrəfin apellyasiya şikayəti rədd edildi: Təcavüz ittihamına görə məhkəmə olacaq

Fransa Kassasiya Məhkəməsi PSJ və Mərakeş millisinin müdafiəçisi Əşrəf Hakiminin işi üzrə futbolçunun son apellyasiya şikayətini rədd edib.

Publika.az xəbər verir ki, ölkənin ali məhkəməsi işin məhkəməyə göndərilməsinin qanuniliyini təsdiqləyib.

2023-cü ilin fevral ayında gənc bir qadın oyunçuya qarşı hüquq-mühafizə orqanlarına ittiham irəli sürdü. İstintaq başlayandan və 2023-cü ilin mart ayında rəsmi ittihamlar irəli sürüləndən bəri, Hakimi və onun müdafiə tərəfi günahsız olduğunu və manipulyasiya cəhdi olduğunu iddia edərək bütün ittihamları rədd ediblər.

Bir neçə il davam edən istintaqdan və iş materiallarının yuxarı orqanlara ötürülməsinə etiraz etmək cəhdlərindən sonra 27 yaşlı müdafiəçinin Hauts-de-Seine Cinayət Məhkəməsində məhkəmə iclasına gəlməsi tələb olunur.

Məhkəmənin dəqiq tarixi hələ açıqlanmayıb. Apelyasiya şikayətinin rədd edilməsi oyunçunun günahkar olması demək deyil. Yekun hökm bütün dəlilləri araşdırdıqdan və şahidləri dinlədikdən sonra münsiflər heyəti tərəfindən veriləcək. Fransa mediasının məlumatına görə, şahidlər arasında hücumçu Kilian Mbappe də ola bilər.

Müəllif: Tural