Məşhur futbolçudan şok etiraf: Cinsi təcavüzə məruz qalıb

İngiltərə millisinin keçmiş hücumçusu Endi Kerrol 2021-ci ildə cinsi təcavüzə məruz qaldığını etiraf edib.

Publika.az xəbər verir ki, bu barədə BBC məlumat yayıb.

Bir gün əvvəl Kerroll hadisəni təsvir etdiyi “Owning It” adlı avtobioqrafiyasını yayımlayıb.

O vaxt Kerroll “Nyukasl”da oynayırdı və qarşılaşmaların birindən sonra Kerrollun “tanınmış dostu” adlandırdığı keçmiş sevgilisinin tanışı boks izləmək üçün evinə gəlib.

Endi etiraf edir ki, bu tanışlıqda həmişə “nəsə bir qüsur” hiss edirmiş.

Boks matçına baxarkən onlar içki içiblər və Kerroll özünü pis hiss edib və yatağa gedib. Daha sonra oyananda qonağının onunla cinsi əlaqədə olduğunu görüb.

Kerroll qonağı evdən qovub və geri qayıtmaq istəyəndə ona yumruq vurub, həmin şəxs huşunu itirib.

Daha sonra futbolçu polisə zəng edib. Kerrollun dediyinə görə, bundan sonra uşaqlarının dayəsinin qucağında göz yaşlarına boğulub.

Daha sonra kişi üç il həbs cəzasına məhkum edildi, cinsi cinayətkarların reyestrinə daxil edilib və Kerrolun yaşadığı kəndə baş çəkməsinə qadağa qoyulub.

Təcavüzkar özü məhkəməni “alçaldıcı, utandırıcı və dəhşətli” adlandırıb.

“Mənim başıma gələnlər həyatımın hər tərəfinə təsir etdi. Hər gün bu barədə düşünürdüm və futbol da daxil olmaqla, başqa bir şeyə diqqət yetirməyimi çətinləşdirirdi. Baş verənlərin travması heç vaxt keçib getmirdi”, – deyə Kerrol etiraf edib.

Müəllif: Tural