“Benfika” “Portu”nu HƏDƏFƏ ALDI: 4 hadisə üzrə araşdırma tələb etdi

“Benfika” Portuqaliya Futbol Federasiyasının İntizam Şurasına “Portu”ya 1:3 hesablı məğlubiyyətdən sonra şikayət ərizəsi ilə müraciət edərək, dörd hadisə ilə bağlı intizam tədbirləri görülməsini istəyib.

Publika.az xəbər verir ki, bu barədə “Record” məlumat yayıb.

“Benfika” bildirib ki, ev sahibi komandanın ikinci qolundan sonra komandanın ehtiyat oyunçularına qarşı təhqiramiz jestlər edən “Portu”nun oyunçusunun davranışı araşdırılmalıdır.

“Benfika”, həmçinin Qabri Veyqaya qarşı cinayət işi açılmasını tələb edərək, yarımmüdafiəçinin komandanın ehtiyat oyunçularına doğru butulka atdığını iddia edib.

Şikayətin digər bir məqamı “Estadio do Draqao” stadionundakı musiqi və digər əyləncə elementləri ilə bağlıdır. “Benfika” onları qonaq azarkeşlərə qarşı təxribatçı və hörmətsiz hesab edir və diskvalifikasiya da daxil olmaqla sanksiyaların mümkün olduğunu düşünür.

Bundan əlavə, klub “Portu”nun telekanalının öz ehtiyat oyunçular skamyasından görüntüləri necə əldə etdiyinin, çəkilişin və yayımın qanuniliyinin araşdırılmasını tələb edib.

Publika.az