Nəhəng liqalardan FİFA-ya SƏRT TƏLƏB: İslahat istəyirlər

Premyer Liqa, Bundesliqa, La Liqa və Serie A FİFA-nın idarəetmə sistemində islahat tələb edən birgə bəyanat hazırlayır.

Publika.az xəbər verir ki, bu barədə “Sky Sports” məlumat yayıb.

Liqalar, xüsusən də beynəlxalq futbol təqvimi ilə bağlı əsas məsələlərdə qərar qəbuletmədə daha böyük rol oynamaq istəyirlər.

“Premyer Liqa, Bundesliqa, La Liqa və Seriya A birgə bəyanat yayaraq FİFA-da islahatların aparılmasını, daha müstəqil nəzarətin tətbiq edilməsini və liqalar da daxil olmaqla maraqlı tərəflərə qərar qəbuletmə prosesində real rol verilməsini tələb edəcək”, – deyə məlumatda bildirilir.

Avropa liqaları daha tez-tez Klublararası Dünya Kuboklarının keçirilməsi və milli komanda turnirlərinin genişlənməsi potensialı səbəbindən sözdə “təqvim süründürməçiliyinə” qarşıdırlar.

Xatırladaq ki, 2024-cü ildə Beynəlxalq Peşəkar Futbolçular Assosiasiyaları Federasiyası ( FIFPro ) və Avropa Liqaları Assosiasiyası La Liqa ilə birlikdə beynəlxalq oyun təqvimi ilə bağlı FİFA-ya qarşı Avropa Komissiyasına şikayət ərizəsi təqdim etmişdi.

Publika.az