Rusiya komandaları avrokuboklara buraxılır? - Rəsmi cavab gəldi

Avropa Voleybol Konfederasiyası (CEV) Rusiya komandalarının Avropa yarışlarına buraxılacağı ilə bağlı yayılan xəbərə reaksiya verib.

Şənbə günü polşalı jurnalist Yakub Balçezak bildirib ki, CEV İtaliyada keçirilən konqresində Rusiyanın 2027/28 mövsümündən etibarən Avropa klub yarışlarına qayıtmasına icazə vermək qərarına gəlib.

Publika.az xəbər verir ki, “Match TV” CEV nümayəndəsindən sitat gətirib:

“Hazırda bu məsələ ilə bağlı əlavə şərh verə bilmərik, müvafiq məlumatlar bütün maraqlı tərəflərə vaxtında çatdırılacaq.

Lakin qeyd etmək istərdik ki, Rusiya komandalarının CEV yarışlarına qayıtması məsələsi bu həftənin əvvəlində Milanda keçirilən CEV Baş Assambleyasında (Konqres) müzakirə olunmayıb. Bu məsələ gündəmdə deyildi və belə bir qərarın qəbul edilməsi CEV Baş Assambleyasının səlahiyyətlərinə daxil deyil və CEV İnzibati Şurasının səlahiyyətlərinə daxildir”.

Xatırladaq ki, bu yay Beynəlxalq Voleybol Federasiyası (FIVB) BOK-un tövsiyələrinə əməl edərək Rusiya komandalarının onun himayəsi altında yarışlarda iştirak etməsinə qoyulan bütün məhdudiyyətləri aradan qaldırıb.

Publika.az