Olimpiya çempionunun bahalı saatı gündəm oldu - Foto

Məşhur ukraynalı yüngül atlet, dünya yarışlarının mükafatçısı və Olimpiya çempionu Yaroslava Maqutix dəbli aksessuarlara üstünlük verir. Onun zinət əşyaları kolleksiyasında məşhur “Omega” brendinin zərif və eleqant “Aqua Terra Ultra Light” saatı da var.

Publika.az xəbər verir ki, bu barədə “Cats and Watches” blogeri “Threads” platformasında məlumat yayıb.

Bloger bildirib: “Bizim Olimpiya çempionumuz təxminən 35 min avro dəyərində “Omega Aqua Terra Ultra Light” taxır. Onu xüsusi edən cəmi 55 qram ağırlığında olmasıdır. Bu, “Omega”nın ən yüngül idman saatlarından biridir. Korpus titandan hazırlanıb, mexanizmi də titandır. Bu, ümumiyyətlə, “Omega”nın ilk titan kalibridir”.

Onun sözlərinə görə, Maqutixin saatı aksessuarların yüngüllüyü baxımından dünya rekordu deyil. “Richard Mille” 19 qramlıq saatlar da istehsal edir və yüksək dəqiqlikli xronometr üçün bu, fantastik göstəricidir.

İzləyicilər həmçinin Maqutixin bu brendin səfiri olduğunu qeyd ediblər.

Daha əvvəl “UNIAN” xəbər vermişdi ki, Ukraynanın bir nömrəli tennisçisi Elina Svitolina dəyəri 90 min avrodan baha olan saat taxır. Söhbət “Patek Philippe Nautilus 7118/1200A-011” modelindən gedir.

Bu, diametri 35,2 millimetr, qalınlığı isə cəmi 8,62 millimetr olan polad korpuslu “Nautilus”un qadın versiyasıdır. Saatın çərçivəsində ümumi çəkisi 0,71 karat olan 56 almazın yerləşdirilməsi də diqqət çəkir.

Həmçinin daha əvvəl “Svít navyvórít” layihəsinin məşhur ukraynalı jurnalisti və aparıcısı Dmitri Komarovun təxminən 730 avro dəyərində saat taxdığı barədə məlumat verilmişdi.

Söhbət “Seiko Speedtimer SSC913P1” markalı saatdan gedir. Bloqerin sözlərinə görə, bu model kosmosa uçmuş əfsanəvi “Seiko 6139”un birbaşa davamçısıdır. Qeyd olunur ki, bu saat xronoqraf həvəskarları üçün həqiqətən yaxşı seçimdir.