Lazımsız əşyalar torbası ilə başlayan yol – Dünya 11 yaşlı bu qızdan danışır

Səmərqənddə keçirilən Ümumdünya Şahmat Olimpiadasında yeni yaş rekordu qırılıb.

Publika.az xəbər verir ki, Böyük Britaniyanı təmsil edən on bir yaşlı Bodhana Sivanandan rəsmi olaraq qadın qrossmeyster tituluna layiq görülən tarixdəki ən gənc şahmatçı olub.

Standarta cavab vermək üçün idmançı birinci lövhədə oynayaraq 11 oyunda 8 xal toplayıb. Qeyd etmək lazımdır ki, Qadın Qrossmeyster titulu Beynəlxalq Şahmat Federasiyası (FIDE) tərəfindən adi qrossmeyster titulundan daha aşağı tələblərlə verilir.

Bodhananın şahmat ulduzluğuna gedən yolu təsadüfən başlayıb. Pandemiya zamanı o, Şimali Londonun Harrou şəhərindəki evində ailə dostunun qoyduğu lazımsız əşyalar torbasında unudulmuş şahmat lövhəsi tapıb.

Atası əsas qaydaları izah edib, lakin tezliklə qız onu inamla məğlub etməyə başlayıb.

Gənc ulduz “YouTube”da dərsliklərə baxaraq bacarıqlarını təkbaşına təkmilləşdirib. Bodhana artıq ən gənc qadın milli çempion olmaqla Britaniya idman tarixində öz izini qoyub.

O, 86 ildir davam edən milli rekordu qırıb: Eleyn Pritçard 1939-cu ildə 13 yaşında Britaniya çempionluğunu qazanmışdı.

Bu kateqoriyada əvvəlki rekord 2002-ci ildə 12 yaş 4 aylıq yaşında Ukraynanı təmsil edərkən qadın qrossmeyster titulunu qazanan rusiyalı Katerina Laqnoya məxsus idi. Bu arada, tarixin ən gənc qrossmeysteri üçün mütləq dünya rekordu (cins fərqi olmadan) 12 yaş 4 aylıqda buna nail olan amerikalı Abhimanyu Mişraya məxsusdur.

Müəllif: Tural