Qalmaqallı finalla bağlı məhkəmə bu tarixdə başlayır

İdman Arbitraj Məhkəməsi (CAS) 2025-ci il Afrika Millətlər Kubokunun finalı ilə bağlı iş üzrə dinləməni 8 oktyabr tarixinə təyin edib.

Publika.az xəbər verir ki, Seneqal Futbol Federasiyası, Afrika Futbol Konfederasiyası (CAF) və Mərakeş Kral Futbol Federasiyasının nümayəndələrinin qatılacağı dinləmə Lozannadakı məhkəmənin qərargahında keçiriləcək.

25 mart 2026-cı ildə Seneqal Futbol Federasiyası Seneqalın finalda məğlub, Mərakeşin isə qalib elan edildiyi CAF qərarından apelyasiya şikayəti verdi. Seneqal qərarın ləğv edilməsini və komandasının Afrika Millətlər Kubokunun qalibi elan edilməsini tələb edir.

Xatırladaq ki, həmin matçda seneqallı oyunçular qapılarına qarşı penalti təyin edildikdən sonra etiraz əlaməti olaraq meydanı tərk etmişdilər, lakin sonda geri qayıdaraq oyunu qazanmışdılar.

Tərəflər sürətləndirilmiş məhkəmə iclası və ya açıq məhkəmə iclası tələb etməyiblər. Dinləmə qapalı keçiriləcək. Dinləmədən sonra arbitraj heyəti işi müzakirə etməyə başlayacaq. CAS qeyd edib ki, qərarın tarixi hələ təyin edilməyib və hökm dinləmə günü elan edilməyəcək.

Müəllif: Tural