Haaland Norveç aviaşirkətini məhkəməyə verdi: Görün nə edib - FOTO

“Mançetser Siti”nin ulduzu Haaland Norveç aviaşirkətini məhkəməyə verib.

Publika.az xəbər verir ki, Erlinq Haalandın komandası “Norwegian” aviaşirkətinin hücumçusunun şəklini qanunsuz olaraq istifadə etdiyinə inanır.

“York Promotions Ltd.” və Erlinq Haaland adından “Norwegian Air Shuttle ASA”-ya qarşı məhkəmə iddiasının qaldırıldığını təsdiqləyə bilərik.

İş şirkətin Dünya Kuboku zamanı aviabiletlərin satışı üçün marketinq kampaniyasında Haalandın üz cizgilərindən qanunsuz istifadə etməsi ilə bağlıdır”, – Vəkil Tomas Haqen VG-yə bildirib.

Oslo Rayon Məhkəməsi iclası 9 oktyabr cümə gününə təyin edib. Bu, videokonfrans vasitəsilə keçiriləcək hazırlıq konfransı olacaq. İş materiallarında Marketinq Nəzarəti Qanununun pozulması iddia olunur.

2026-cı il Dünya Kuboku zamanı “Norwegian” “Biz heç vaxt bu qədər norveçli görünməmişik” başlığı ilə foto paylaşıb.

Fotoda Haalandın görünüşündən təsirlənmə var.

Bu şəkil “İnstaqram” və “TikTok” da daxil olmaqla digər platformalarda paylaşılıb. Haalandın yer aldığı bu və digər paylaşımlar artıq aviaşirkət tərəfindən silinib.

Şirkətin mətbuat katibi Eivind Hammer məhkəmə iddiasını aldıqlarını təsdiqləyib.

“Həqiqətən də məhkəmə iddiası almışıq, amma onun əsasını başa düşmürük. Demək olar ki, bütün Norveç kimi, bu yay sosial media trendlərindən ilhamlanan bir neçə kortəbii paylaşımla milli komandanı dəstəklədik. Dəstəyimizin məhkəmə iddiası ilə nəticələnməsi təəssüf doğurur, amma ortaq idman qəhrəmanlarımızı dəstəkləməyə davam etməyimizə imkan verəcək konstruktiv dialoqa ümid edirik”, – mətbuat katibi bildirib.

Aut.az