Baş məşqçidən Ronaldoya sülh təklifi - Neytral ərazidə...

Portuqaliya millisinin baş məşqçisi Jorje Jezuş Portuqaliya Futbol Federasiyasının (FPF) hücumçu Kriştian Ronaldo ilə barışıqla nəticələnə biləcək görüş keçirmək təklifi ilə razılaşıb.

Publika.az xəbər verir ki, bu barədə “A Bola” məlumat yayıb.

Mənbənin məlumatına görə, FPF Kriştian ilə milli komanda arasında qəti və kəskin ayrılığın qarşısını almaq istəyir və 41 yaşlı hücumçunun əhatəsi ilə əlaqə saxlamağa davam edir. Görüşün neytral ərazidə keçirilməsi planlaşdırılır.

Hazırda Ronaldo Federasiyanın təklifinə cavab verməyib.

Bundan əvvəl KİV-də futbolçunun Millətlər Liqasının Norveçlə matçına buraxılmaması səbəbindən Ronaldu ilə məşqçi arasında münaqişənin yaranması barədə məlumat yayılmışdı. O zaman Portuqaliya futbol federasiyasının rəhbəri təcili danışıqlar aparmış və münaqişə tənzimlənmişdi. Lakin Danimarka ilə oyundan əvvəlki mətbuat konfransında məşqçi Ronaldonun bu matçı da buraxa biləcəyini istisna etməmişdi.

41 yaşlı hücumçunun hesabında milli komanda ilə bağlı iki dünya rekordu qalmaqdadır – tarixin ən yaxşı bombardiri adı (146 top) və keçirilmiş oyunların sayına görə rekordçu titulu (234).

Hüseyn İbadlı