İdman

Ad günündə özünə 3,6 milyonluq hədiyyə etdi - VİDEO

4 Oktyabr 2026 11:27

Hazırda “Milan”da məsləhətçi işləyən məşhur isveçli futbolçu Zlatan İbrahimoviç oktyabrın 3-də 45 yaşını qeyd edib.

Publika.az xəbər verir ki, PSJ, “Barselona” və digər top klubların keçmiş hücumçusu özünə dəbdəbəli bir hədiyyə – italyan brendi tərəfindən istehsal edilən cəmi 799 ədəd istehsal olunan “Ferrari F80” superkarı hədiyyə edib.

İbrahimoviç sosial mediada “Ferrari”də çəkilmiş videosunu paylaşaraq “Ad günün mübarək, Zlatan” yazıb.

“Zlatan bu cür superkarlara olan həvəsi ilə tanınır, ona görə də “Ferrari F80”-in qiyməti isveçli üçün maneə olmadı – o, bunun üçün 3,6 milyon avro ödəyib. “Ferrari” şirkətinin məlumatına görə, avtomobil 1200 at gücünə malik V6 mühərriki ilə təchiz olunub. O, 0-dan 200 km/saata cəmi 5,75 saniyəyə sürətlənir. Mühərrikin arxitekturası 2023 və 2024-cü illərdə 24 saatlıq Le Man yarışında qalib gələn “Ferrari 499P”dən ilhamlanıb “, – “A Bola” yazır.