Millimiz Litvaya qalib gəldi - YENİLƏNDİ

Azərbaycan millisi UEFA Millətlər Liqasında cari mövsüm ilk qələbəsini qazanıb.

Publika.az xəbər verir ki, Ayxan Abbasovun baş məşqçi olduğu komanda Bakıda Litvanı qəbul edib.

8-ci km stadionunda baş tutan görüş millinin qələbəsi ilə başa çatıb - 1:0.

Yeganə qolu 25-ci dəqiqədə Abdulla Xaybulayev rəqib qapısından keçirib.

Xatırladaq ki, Azərbaycan millisi qrupdakı son matçını noyabrın 13-də səfərdə Lixtenşteynə qarşı keçirəcək.

xxx

18:12

UEFA Millətlər Liqasının Azərbaycan - Litva matçında ikinci hissə başlayıb.

Publika.az xəbər verir ki, fasilədən sonra Azərbaycan millisi hesabda öndədir - 1:0.

Görüşün baş hakimi portuqaliyalı FIFA referisi Qustavo Korreyadır.

xxx

17:51

UEFA Millətlər Liqasının Azərbaycan - Litva matçında ilk hissə başa çatıb.

Publika.az xəbər verir ki, Azərbaycan millisi fasiləyə 1:0 hesablı üstünlüklə yollanıb.

Görüşün baş hakimi portuqaliyalı FIFA referisi Qustavo Korreyadır.

xxx

17:30

UEFA Millətlər Liqasının Azərbaycan - Litva matçında hesab açılıb.

Publika.az xəbər verir ki, Azərbaycan millisinin heyətində Abdulla Xaybulayev fərqlənib - 1:0.

Görüşün baş hakimi portuqaliyalı FIFA referisi Qustavo Korreyadır.

xxx

17:04

UEFA Millətlər Liqasının D Liqasının 2-ci qrupunda Azərbaycan millisi Litva ilə qarşılaşır.

Publika.az xəbər verir ki, 8-ci km stadionunda keçirilən görüşə start verilib.

Matçı Portuqaliyadan olan baş hakim Qustavo Korreya idarə edir.

Qeyd edək ki, Azərbaycan yığması qrupda Litva ilə səfərdə 1:1, Lixtenşteynlə evdə 0:0 hesablı heç-heçə edib. Litva isə Lixtenşteyni 2:0 məğlub edib.

Hazırda Litva 3 xalla qrupda lider, Azərbaycan isə 2 xalla ikinci pillədədir.