Argentina millisi Afrika ölkələrinə qəpik də vermir: Buna hörmət deyirsiniz?

Jurnalist Romain Molina bildirib ki, Argentina Futbol Assosiasiyası Afrikada milli komanda üçün rəqib axtarır, çünki həmin oyunlarda iştirak üçün pul ödəmirlər.

Argentinalılar hazırkı təlim-məşq toplanışında Burkina Faso ilə oynayıəblar və Beninlə qarşılaşacaqlar.

Publika.az xəbər verir ki, Molina sosial mediada yazıb:

“Güclü bir komanda dəvət etsəniz, gəlirin müəyyən faizini, iştirak bonuslarını və əlverişli maliyyə şərtləri tələb edəcəklər və Argentina Federasiyası bunu qətiyyən istəmir. Ona görə də onlar az və ya heç nə istəməyəcəklərini bilərək orta səviyyəli Afrika komandaları axtarırlar. Bəs bütün bu gəliri kim cibinə qoyacaq? Afrika ölkələri yox, Argentina Federasiyasının rəhbərliyi. Məsələ bundadır.

Pul biletlərdən, yeməkdən, mallardan, həmin gün satdığınız hər şeydən, sponsorlardan, reklamdan, televiziya hüquqlarından gəlir… Zambiya və Mavritaniyanın bütün bunlardan nə qazandığını bilirsinizmi? Heç nə. Bilirəm ki, bəzi gizli bəndlərin ola biləcəyini və sair deyəcək tənqidçilər olacaq… Amma müqavilədə heç nə deyilmir, heç nə. Argentina Federasiyası isə milyonlarla dollar qazandı.

O, Afrika komandalarına heç nə vermir. Bu gülməlidir, çünki o, digər Cənubi Amerika və Şimali Amerika komandalarına az da olsa, bir şey verir. Amma Afrika komandalarına heç nə. Afrikada isə insanlar deyirlər: “Baxın, Argentina bizə hörmət edir!” Bəli, əlbəttə ki, onlar digərlərinə pul verirlər, amma sizə heç nə vermirlər. Bəs siz buna hörmət deyirsiniz?”

Müəllif: Tural