Ronaldo cəzalandırılmasını tələb etdi

Futbolçu Kriştian Ronaldo Portuqaliya millisinin düşərgəsini icazəsiz tərk etdikdən sonra bildirib ki, onun hərəkətləri Portuqaliya Futbol Federasiyası tərəfindən qiymətləndirilməli və cəzalandırılmalıdır.

Publika.az xəbər verir ki, bu barədə “A Bola” məlumat yayıb.

“Cəza yüngülləşdirilməməlidir. Mən komandanın kapitanıyam və bu, cəzanı ağırlaşdıran haldır. Artıq üzr istəmişəm. Bilirəm ki, hərəkətlərin nəticələri olmalıdır”, — Ronaldo deyib.

O, həmçinin azarkeşlərə bir və ya bir neçə vida matçında oynayacağına söz verib.

Bundan əvvəl KİV-də Ronaldonun Millətlər Liqasının Norveçlə ilk tur matçına buraxılmaması səbəbindən baş məşqçi ilə münaqişə yaşadığı barədə məlumat yayılmışdı. Həmin vaxt Portuqaliya Futbol Federasiyasının rəhbəri təcili danışıqlar aparıb və münaqişə həll olunub.

Lakin Danimarka ilə oyunöncəsi mətbuat konfransında baş məşqçi Ronaldoun bu matçı da buraxa biləcəyini istisna etməyib. Nəticədə Ronaldo danimarkalılarla oyundan bir gün əvvəl Portuqaliya millisinin düşərgəsini tərk edib.

41 yaşlı hücumçunun milli komanda ilə bağlı iki dünya rekordu qalır — tarixdə ən məhsuldar bombardir adına (146 qol) və keçirdiyi oyunların sayına görə rekordçu tituluna (234 oyun).

Hüseyn İbadlı