"Gedirəm" dedi, biletlər kəskin bahalaşdı

“Vaşinqton Kapitals”ın hücumçusu Aleksandr Oveçkinin 2026/2027 mövsümünün onun üçün liqada sonuncu olacağını açıqlamasından sonra komandanın müntəzəm mövsümdə son ev oyununa biletlərin qiyməti kəskin şəkildə artıb.

Publika.az xəbər verir ki, “USA Today”ın məlumatına görə, 4 aprel 2027-ci il tarixində “Vaşinqton”un “Pittsburq”a qarşı oyun üçün minimum bilet qiyməti bazar ertəsi günü 822 dollar olub. Arenanın aşağı mərtəbəsindəki qiymətlər daha da yüksəkdir: 117-ci bölmədəki biletlər minimum 1307 dollara satılır. Oyuna hələ altı ay qalıb.

“TickPick” nümayəndəsi Kayl Zornun sözlərinə görə, əgər 800 dollardan yuxarı qiymətə biletlər satılarsa, bu, NHL-in müntəzəm mövsüm oyunu üçün rekord yüksək qiymət olardı. Belə bir bilet ötən mövsümün Stenli Kuboku Finalının 5-ci oyununun ən ucuz biletindən də bahadır.

“Pitsburq”la qarşılaşma Oveçkinin mövsümün son ev oyunu olacaq. 41 yaşlı rusiyalı bir daha uzun müddətdir rəqibi olan Sidni Krosbi ilə qarşılaşacaq. Keçən mövsüm komandalar da mövsümü Vaşinqtonda üz-üzə gələrək başa vurmuşdular.

Oveçkin ətrafındakı həyəcan “Vaşinqton”un səfər oyunlarının bilet qiymətlərinə də təsir edib. “Ticket Data”ya görə, rusiyalı oyunçunun açıqlamasından sonra qalan 40 səfər oyununun hamısının qiymətləri orta hesabla 63% artıb.

Müəllif: Tural