Messini yadplanetli adlandırdılar

Rusiya məşqçisi Yuri Syomin argentinalı futbolçu Lionel Messini yadplanetli adlandırıb.

Publika.az xəbər verir ki, bu barədə “Çempionat” məlumat yayıb.

“Biz Messini Argentina millisində yadplanetli kimi xatırladıq. Yalnız futbol haqqında düşünürük, onun beyni isə artıq topla bundan sonra nə etmək lazım olduğunu görür. Biz onun texnikasını və insani keyfiyyətlərini xatırlayacağıq”, = Syomin deyib.

Oktyabrın 7-nə keçən gecə Messi Argentina millisinin heyətində sonuncu oyununu keçirib.

Beninlə matç 3:0 hesabı ilə başa çatıb. Qolları Nikolas Otamendi və Niko Pas vurublar. Messi 71-ci dəqiqədə penaltini dəqiq yerinə yetirib. Hücumçu həmçinin iki məhsuldar ötürmə verib.

Avqustun 31-də Messi Argentina millisində karyerasını başa vuracağını rəsmən açıqlayıb.

Messi ABŞ-ın “İnter” klubuna keçməzdən əvvəl Fransanın “Paris Sen-Jermen” və İspaniyanın “Barselona” komandalarında çıxış edib. O, “Barselona” ilə Çempionlar Liqasını dörd dəfə, həmçinin UEFA Superkubokunu və klublararası dünya çempionatını üç dəfə qazanıb.

Hüseyn İbadlı