ABŞ-da ermənini idmandan ömürlük uzaqlaşdırdılar: Görün nələr edib

Keçmiş sovet idmançısı və ABŞ milli gimnastika komandasının keçmiş məşqçisi Artur Akopyan ömürlük idmandan kənarlaşdırılıb.

Publika.az xəbər verir ki, bu qərar ABŞ Təhlükəsiz İdman Mərkəzi tərəfindən 65 yaşlı mütəxəssisə qarşı irəli sürülən qanunsuz davranış və cinsi təcavüz iddialarından sonra verilib. Akopyanın qərardan apelyasiya şikayəti vermək hüququ var.

Akopyan ikiqat SSRİ çempionu (1981, 1983) və komanda yarışlarında (1979, 1981) və tullanma üzrə (1983) üçqat dünya çempionudur. 1989-cu ildən bəri ABŞ-da çalışır. Onun tələbələri arasında Olimpiya çempionu Makkayl Maroney və komanda yarışlarında Dünya Çempionatının gümüş medalçısı Metti Larson da var.

"The Washington Post" qəzetinin apardığı genişmiqyaslı araşdırmaya görə, Akopyanın ortaq mülkiyyətində olan “All Olympia” Gimnastika Mərkəzinin (AOGC) ən azı 10 keçmiş tələbəsi sistematik zorakılığa məruz qaldığını iddia edir. Onlardan doqquzu məşqçinin qəzəb içində yetkinlik yaşına çatmayan idmançıları yerə yıxaraq xəsarət yetirdiyini təsdiqləyib.

Qızlar məşqçilərinin aqressiv hərəkətlərindən mütəmadi olaraq soyunma otaqlarında və tualetlərdə gizlənməyə məcbur ediliblər. Akopyana və onun təlim mərkəzinə qarşı ilk məhkəmə iddiaları 2016-cı ildə Mattie Larson tərəfindən qaldırılmışdı. O, Akopyanın yaratdığı təzyiq və gizlilik atmosferinin məhkum komanda həkimi Larry Nassarın illərlə istismarına səbəb olduğunu iddia etmişdi. 2018-ci ildə iş 1 milyon dollarlıq razılaşma ilə həll edildi, lakin sistemli iddialar davam etdi.

Müəllif: Tural